Гаварылі пра сваё, роднае...

У МАРГ адбыўся семінар пад кіраўніцтвам намесніка Міністра Святланы Караткевіч па пытанні рэалізацыі тавараў айчыннай вытворчасці і праграмы крэдытавання «На родныя тавары» з улікам новых правілаў.

У мерапрыемстве прынялі ўдзел прадстаўнікі Беларускай гандлёва-прамысловай палаты, ААТ ААБ «Беларусбанк», Рэспубліканскага цэнтра па аздараўленні і санаторна-курортным лячэнні насельніцтва, а таксама канцэрнаў, вытворцаў і гандлёвых арганізацый.

Адной з галоўных тэм абмеркавання стаў новы парадак спажывецкага крэдытавання «На родныя тавары». Прадстаўнікі БелГПП падрабязна растлумачылі ўмовы і крытэрыі для атрымання сертыфіката ўласнай вытворчасці. У рамках сустрэчы таксама абмеркавалі ўмовы для афармлення спажывецкіх крэдытаў у ААТ ААБ «Беларусбанк» і разгледзелі пытанні і складанасці, звязаныя з атрыманнем сертыфіката і афармленнем крэдытаў.

Акрамя таго, асаблівую ўвагу ўдзельнікі надалі Пагадненню аб супрацоўніцтве ў галіне павышэння эфектыўнасці продажаў тавараў айчыннай вытворчасці.

Да яго далучылася ўжо каля 950 суб'ектаў гаспадарання, сярод новых удзельнікаў – Беларуская гандлёва-прамысловая палата, ГУП «КАМАКО ПРОДЦЭНТР», ГВУП «Мак.Бай», ТАА «КрэатыўФудС-Усход», ААТ «Авіякампанія «Белавія», ТАА «ВК «Салаторыя», ПУП «Пряны Дом» і інш.

Таксама ў рамках мерапрыемства нагадалі аб праекце МАРГ «Кожная пятніца – роднае, сваё». З цікавага – цяпер наша рэклама прадстаўлена і ў мультымедыйнай сістэме забаў на бортах паветраных судоў авіякампаніі «Белавія».