Спажывец набыў керамічную і керамагранітную плітку. Ці мае права спажывец вярнуць такі тавар прадаўцу? Ці мае права прадавец адмовіць спажыўцу ў вяртанні такога тавару?

Адказ:

Спажывец мае права вярнуць тавар прадаўцу, а прадавец не мае права адмовіць спажыўцу ў вяртанні керамічнай і керамагранітнай пліткі, калі яе спажывецкая ўпакоўка забяспечвае магчымасць усталяваць, што тавар не быў ва ўжыванні.

Пастановай Савета Міністраў ад 22 лістапада 2018 г. № 935 "Аб некаторых мерах па абароне правоў спажыўцоў» Пералік нехарчовых тавараў належнай якасці, якія не падлягаюць абмену і вяртанню (далей - Пералiк), зацверджаны ў новай рэдакцыі.

Згодна з пунктам 2 Пералiку паркет, ламінат, коркавая падлога, насценная корка, плітка керамічная і керамагранітная, шпалеры не падлягаюць абмену і вяртанню, за выключэннем тавараў, упакаваных у герметычную (вакуумную) спажывецкую ўпакоўку, а таксама ў спажывецкую ўпакоўку, якая забяспечвае магчымасць ўсталяваць, што тавар не быў ва ўжыванні.

Згодна з артыкулам 2 тэхнічнага рэгламенту Мытнага саюза «Аб бяспецы ўпакоўкі» ТР МС 005/2011 спажывецкая ўпакоўка - упакоўка, прызначаная для продажу або першаснай упакоўкі прадукцыі, якая рэалізуецца канчатковаму спажыўцу.

Згодна з артыкулам 28 Закона Рэспублікі Беларусь ад 9 студзеня 2002 года "Аб абароне правоў спажыўцоў" на працягу 14 дзён спажывец мае права вярнуць тавар, які ўказаны ў пункце 2 Пералiку, толькі ў тым выпадку, калі яго спажывецкая ўпакоўка забяспечвае магчымасць усталяваць, што тавар не быў ва ўжыванні.