Антыманапольнае рэгуляванне і канкурэнцыя

Канкурэнцыя - усюды, дзе магчыма,
 дзяржаўнае рэгуляванне - там, дзе неабходна.
 (Дырэктыва Прэзідэнта Рэспублікі Беларусь
№ 4 ад 31.12.2010)

Дзяржаўная палітыка ў сферы супрацьдзеяння манапалістычнай дзейнасці і развіцця канкурэнцыі грунтуецца на прынцыпах:

• прымянення антыманапольнага заканадаўства да гаспадарчых суб'ектаў у роўнай ступені і на роўных умовах незалежна ад формы ўласнасці, арганізацыйна-прававой формы і месца рэгістрацыі юрыдычных асоб, грамадзянства, месца жыхарства, маёмаснага і службовага становішча фізічных асоб і іншых абставін (прынцып роўнасці ва ўжыванні норм антыманапольнага заканадаўства);
• забароны на акты і дзеянні (бяздзейнасць) дзяржаўных органаў і іх службовых асоб, якія не дапускаюць, абмяжоўваюць цi ліквідуюць канкурэнцыю (прынцып недапушчальнасці антыканкурэнтных дзеянняў дзяржаўных органаў);
• забеспячэння эфектыўнага кантролю за выкананнем антыманапольнага заканадаўства, у тым ліку за здзелкамі, іншымі дзеяннямі, якiя прызнаюцца эканамічнай канцэнтрацыяй, у той меры, у якой гэта неабходна для абароны і развіцця канкурэнцыі (прынцып забеспячэння эфектыўнага кантролю за эканамічнай канцэнтрацыяй);
• наяўнасці эфектыўных санкцый за дзеянні, якія не дапускаюць, абмяжоўваюць або ліквідуюць канкурэнцыю, у адносiнах да гаспадарчых суб'ектаў, службовых асоб гаспадарчых суб'ектаў - юрыдычных асоб, дзяржаўных органаў, іх службовых асоб, а таксама фізічных асоб, якія не адносяцца да гаспадарчых суб'ектаў, якія прымяняюцца зыходзячы з суразмернасці, забяспечанасці, няўхільнасці і пэўнасці рашэнняў, што прымаюцца, і забеспячэння кантролю за іх прымяненнем (прынцып эфектыўнасці санкцый за ўчыненне антыканкурэнтных дзеянняў);
• забеспячэння інфармацыйнай адкрытасці, якая праводзіцца антыманапольным органам дзяржаўнай палітыкі ў сферы супрацьдзеяння манапалістычнай дзейнасці і развіцця канкурэнцыі, у тым ліку праз размяшчэнне інфармацыі аб сваёй дзейнасці ў сродках масавай інфармацыі, на сваіх афіцыйных сайтах у глабальным камп'ютарным сеціве Інтэрнэт (прынцып інфармацыйнай адкрытасці);
• ажыццяўлення ўзаемадзеяння антыманапольнага органа з іншымі дзяржаўнымі органамі, упаўнаважанымі органамі замежных дзяржаў у той ступені, у якой гэта неабходна для ажыццяўлення эфектыўнай дзяржаўнай палітыкі ў сферы супрацьдзеяння манапалістычнай дзейнасці і развіцця канкурэнцыі (прынцып эфектыўнага супрацоўніцтва).
• У мэтах рэалізацыі Закона Рэспублікі Беларусь ад 12 снежня 2013 г. «Аб супрацьдзеянні манапалістычнай дзейнасці і развіцці канкурэнцыі» створана і пастаянна ўдасканальваецца нарматыўная прававая база, якая рэгламентуе наступныя асноватворныя пытанні ў сферы антыманапольнага рэгулявання:
• парадак вызначэння дамінантнага становішча гаспадарчых суб'ектаў на таварных рынках Рэспублікі Беларусь;
• парадак фарміравання і вядзення Дзяржаўнага рэестра гаспадарчых суб'ектаў, якія займаюць дамінантнае становішча на таварных рынках;
• парадак ажыццяўлення кантролю за здзелкамі з акцыямі, долямі ўстаўных фондаў гаспадарчых суб'ектаў;
• парадак арганізацыі і правядзення праверак па выкананні антыманапольнага заканадаўства гаспадарчымі суб'ектамі;
• парадак ажыццяўлення кантролю за рэарганізацыяй гаспадарчых суб'ектаў, стварэннем камерцыйных арганізацый і аб'яднанняў гаспадарчых суб'ектаў;
• парадак устанаўлення фактаў наяўнасці (адсутнасці) парушэння антыманапольнага заканадаўства і г. д